حسام العبيدي: قصيدة غنائيّة للمعاقين

حسام العبيدي: قصيدة غنائيّة للمعاقين

زي بوست:

(إهداء منى لكل متحدى الإعاقة❤)

أنا زيكم ليا حكايات وأحلام كتير
ومانيش سجين الأمنيات
أنا زيكم قادر أكون
واتحدى واعمل معجزات

القوة
فى القلب السليم
وانا قلبى أقوى من الظروف
الخوف ده ضعف وموت بطيء
وانا عمرى ماحسيت بخوف

بإرادتى مش ممكن هتوه
وهعيشها بالقلب البريء
هسند عليكم لما أميل
وأكيد راح أوصل للطريق

ورا كل ضلمة بيجى نور
وأنا مش ها تكسرنى الحياة
لو حلمى مانعه ألف سور
راح اخطي ليه وأفضل وراه

النقص نقص فى العقول
وانا فيا ألف روح وروح
مش معنى عجزي إني اكون
إنسان مالوش حق الطموح

أنا ليا وياكم مكان
مش شخص عالة على الوجود
وبأيدي هلمس السحاب
وأوصل لأبعد الحدود

الحب صانع معجزات
وانا قلبى بيحب الجميع
طول ما انتو أهلي وعزوتي
فى الدنيا مش ممكن هضيع

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s