إقرأ هنا لتتعرف على أهم أسرار الدعارة

إقرأ هنا لتتعرف على أهم أسرار الدعارة

زي بوست:

(كتب باسل شعار على صفحته في فيسبوك ونسخت زي بوست حرفياً كما ورد باللغة العامية وطريقة الكتابة اذ لم يتم أي تغيير في النص)

الدعارة مو كم شب وبنت عم يمارسوا الجنس ببيت
مو بنتين ماشيين بالشوارع وعم يدورو ع شباب
مو شب أدمن المخدرات هدول مو دعاره
الدعارة يا ابو الاخلاق انو تنقطع عنك الكهربا سبع ساعات
الدعارة انك توقف ع طابور الغاز متل الكلب 6 ساعات
الدعارة هيي واحد مليونير عم يبيع وطنيات لواحد فقير لأنو لابس قميص من بالة تركية
الدعارة انو الدولار ٩٧٥ل.س
الدعارة انو كل سنة بيوعدوك انو الشتوية الجاي رح تكون خالية من الازمات وفجأة بتلاقي حالك متل الكلب رجعت توقف ع طوابير المازوت والغاز لتتدفى
الدعارة مو بشبكة نسوان عم يشتغلو ببيوت ليجيبوا مصاري
الدعاره ولد صغير واقف عالاشاره بعز دين البرد وتارك مدرستو عم يبيع خبز منشان يصرف عامو بعد ما انخطف ابوه
الدعاره قنواتك الاساسيه يلي مصورتلك الدنيا جنه وانت عايش بجحيم
الدعاره شبكه العالم يلي عم تشحد كرمال تطلع حق ربطه الخبز
الدعاره انك ترجع ع حارتك بعد ٩ سنين بعد ما حررها الجيش وتشوف بيتك محروق ومتحطم من اول يوم تجيك البلديه والكهربا والمياه بدن فواتيرن ع ٩ سنين
الدعاره هداك العسكري يلي مشلوح برات محافظتو وعم يعطوه اكل سياده الوزراء ل كلابن ما بيرضوا يطعموه ياها
الدعاره هدوك يلي بيهتفوا الله محي الجيش وبس يشوفوا عسكري بزلوه وبيمسحوا الأراضي فيه
الدعاره هداك الشب يلي انسحب من نص جامعتو عالجيش وهلا عم يوقف عالطرقات ويركب مع الغنم والوسخ كرمال ينزل يشوف اهلو وحبابو كم ساعه قبل ما يستشهد
الدعاره هداك الشيخ يلي بيطلع عالجامع والتلفزيون وبيحكي عن الحرب والوجع ونكون ايد وحده وبعد الضهر بيرجع بيخطب بالعالم لتطلع بالمظاهرات وتقتل رفيقك يلي من غير طائفه
الدعاره انك تركض ورا عمار المساجد والجوامع يلي كانت سباقه بنشر الفكر التكفيري والعالم يلي ضلت جوات البلد بيوتها ومدارسها ولقمتها متدمره ومغمسه بالدم
الدعاره انو قاضي عندو واسطات يغيرك من صاحب حق ويخليك انت المتهم الأساسي
الدعاره انك تترك حلمك ودراستك وتنزل عالشغل من الفجر عالنجر كرمال تطلع اجار بيتك ومصروف اهلك
الدعاره انو يقتلك المرض وانت ما فيك تفتح تمك
الدعاره مسؤول يصير بمنصبو بفضل ولاد حارتو وبس يتمكن يهد الحاره بحجه المخالفات
الدعاره وزير مارق بالشارع يسكروا عشرين شارع كرمال سياره حضرتوا منشان تبين هيبتو
الدعارة انو شباب الها سنين احتياط عالجبهات وابن فلان مقضيها سكر وعربدة بسيارتو ولح يفضي 100 مخزن ع راس السنة
الدعاره صارت انو يسحبوك عالجيش
إجباري عنك ومن نص المشفى لك حتى بدون ما تودع اهلك بحجه انو متخلف وانت كلشي بدك ياه شويه وقت بتشتغل وتدفع اجار عمليه ابوك المريض بعد ما استشهدوا اخواتك
الدعاره انك صرت عايش ب بلدك متل مستأجر ما بتعرف أيمتا بيطالعوك او بغلو عليك الاجار
الدعاره انك فقير
الدعاره انو ما عندك واسطه
هي هيي الدعاره

#حيي على السلام
يا وطني

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s